Jenevadagi BMT saroyida Navro‘z bayrami nishonlandi. Bayram Ozarbayjon, Afg‘oniston, Eron, Qozog‘iston, Tojikiston, Turkiya, Turkmaniston va O‘zbekiston diplomatik missiyalari tomonidan tashkil qilindi. Bu haqda “Jahon” axborot agentligi xabar berdi.

Marosimga 800 nafardan ortiq mehmon tashrif buyurdi. Ularning orasida Jenevadagi xalqaro tashkilotlar va diplomatik korpuslar xodimlari hamda rahbarlari, shuningdek, OAV, Shveysariya madaniy va ijtimoiy tashkilotlari vakillari ishtirok etdi.

Tadbirni BMTning Jenevadagi bo‘limi bosh direktori vazifasini bajaruvchi Maykl Myoller ochib berdi. Uning ta’kidlashicha, qadimiy bayram Navro‘z umid va yangilanish ramzi bo‘lib, umumiy qadriyatlar — turli xalqlar o‘rtasida o‘zaro hurmat, bir-birini tushunish va do‘stona aloqalar rivojlanishiga imkon beradi. Shu bilan birga Navro‘z BMT Bosh assambleyasi tomonidan tan olingan va YuNESKO nomoddiy ... Читать дальше »

Qirg‘iziston Respublikasining Chu viloyatida 30-mart kuni sodir bo‘lgan yo‘l-transport hodisasi oqibatida bir kishi halok bo‘ldi, yetti kishi jarohatlandi. Bu haqda viloyat Ichki ishlar bosh boshqarmasi ma’lumotiga tayanib “Interfaks” axborot agentligi xabar beradi.

Falokat Bishkekdan 20 kilometr shimolda joylashgan Lyuksemburg qishlog‘ida, dushanba kuni ertalab yuz bergan. Yo‘lovchilarni olib ketayotgan “Mersedes” rusumli mikroavtobus haydovchisi temir yo‘l kesishmasida teplovozning o‘tib ketishini kutmasdan, yo‘lni kesib o‘tishga harakat qilgan. Oqibatda teplovoz uni urib yuborgan va haydovchining o‘zi voqea joyidayoq hayotdan ko‘z yumgan. Jiddiy jarohat olgan yetti nafar yo‘lovchi esa kasalxonaga yotqizilgan.

Ish yuzasidan zaruriy ekspertizalar tayinlangan va tezkor tergov harakatlari olib borilmoqda, deyiladi Bosh boshqarma xabarida. Ma’lum qilinishic ... Читать дальше »

31-mart kuni Koreya Xalq Demokratik Respublikasi hamda Janubiy Koreyaning artilleriyalari dengiz chegarasi hududida artilleriya mashqlarini o‘tkazishdi. Bunda qo‘shni hududlarga snaryadlar otish hollari kuzatildi, deya xabar beradi Agence France-Presse.

KXDR Sariq dengiz hududida o‘quv mashg‘ulotlari doirasida o‘t ochish mashqlari o‘tkazmoqchi ekanligi borasida janubdagi qo‘shnisini avvalroq xabardor qilib qo‘ygan edi. Janubiy Koreya Mudofaa vazirligi vakilining so‘zlariga qaraganda, shimolliklar otgan snaryadlardan bir nechtasi chegaraning bu tomoniga o‘tgan. Keyin Janubiy Koreya harbiylari ham bunga javoban dengizning Shimoliy Koreyaga tegishli hududiga artilleriya qurollaridan otishga qaror qilishgan.

Artilleriya qurollaridan otish mashqlari Janubiy Koreyaning Pennendo orollari yaqinida bo‘lib o‘tdi. Orol aholisi uchun bombadan himoyalovchi boshpanalarga evakuatsiya e’lon qilindi. Jabrla ... Читать дальше »

Bugun Eyfel minorasi qurib bitkazilganiga 125 yil to‘ldi. Bu haqda “ITAR-TASS” xabar berdi.

Eyfel minorasi (la tour Eiffel) Parijda 1889-yilning Butunjahon ko‘rgazmasiga to‘g‘rilab bitkazilgan. 1889-yilning 31-martida minoraning tantanali ochilishi bo‘lib o‘tgan. O‘sha yilning 15-mayida esa unga ilk tashrifchilar ko‘tarilgan.

Qurilish 26 oy davom etgan. Minoraga uni yaratgan konstruktor Gyustav Eyfel nomi berilgan.

300 metrli minora o‘sha paytdagi eng baland binolarni deyarli ikki barobar ortda qoldirar edi. Bu rekordni u 1931-yilgacha ushlab turdi.

Minoraning panjarasimon qurilmalari 18 mingta bo‘lakdan iborat. Ularni bir-biriga ulash uchun 2,5 millionta mixparchin ishlatilgan.

Eyfel minorasini yaxshi holatda saqlash va zangdan himoya qilish uchun har yetti yilda 57 tonna bo‘yoq ishlatiladi.

Minoraning birinchi va ikkinchi qavatlarida restoranlar, uchinchi q ... Читать дальше »