Sevastopolliklar Ukraina Harbiy dengizkuchlari shtabini egallab oldi
19-mart kuni mahalliy vaqt bilan ertalabki
soat sakkizda Sevastopol shahridagi Ukraina
Harbiy dengiz kuchlari (HDK) shtabi yonida
miting boshlandi. Uning ishtirokchilaridan
bir necha yuz kishi harbiy qism qurshovini
yorib kirib, bayroqlarni almashtirishdi. Bu
haqda voqea joyidagi muxbirining
reportajiga tayanib "ITAR-TASS” xabar
bermoqda.
Foto: itar-tass.com
Miting ishtirokchilari shtabda o‘rnatilgan
Ukraina bayroqlarini olib tashlab, o‘rniga
Rossiya va Andreyev bayroqlarini
o‘rnatishgan.
Ayni damda miting ishtirokchilari va Ukraina
HDK vakillari orasida muzokaralar bormoqda.
Harbiy xizmatchilarga nisbatan kuch
ishlatish holatlari kuzatilmagan; shuningdek,
mazkur operatsiyada Rossiya Qurolli kuchlari
ishtirok etmayapti, deb yozadi "ITAR-TASS”.
Rossiya Qora dengiz floti qo‘mondoni,
admiral o‘rinbosari Aleksandr Vitko
muzokaralar o‘tkazish maqsadida Ukraina
HDK shtabiga tashrif buyurganligi ham xabar
qilinmoqda.
Nashrning ma’lum qilishicha, yarimorol
Rossiya tarkibiga qo‘shib olingach, Ukraina
HDKning Qrimda joylashgan kemalari
Rossiya yurisdiksiyasiga o‘tadi. Qora dengiz
floti shtabidagi manbaning xabariga ko‘ra,
mazkur flot bu kemalarning tarixiy nomini
qaytarish niyatida, deb yozadi agentlik