Sunami xavfi tufayli Chilida 900 ming kishi evakuatsiya qilindi.
Chilida 2-aprel kuni yuz bergan zilzila tufayli sunami xavfi bo‘lganligi uchun qirg‘oqqa yaqin yerlardagi 900 ming aholi mamlakat ichkarisiga ko‘chirildi. Bu to‘g‘rida mahalliy ommaviy axborot vositalari xabarlariga asoslanib "ITAR-TASS” ma’lumot bermoqda.
Hukumat hozirda zilziladan jabr ko‘rgan aholiga birinchi yordam ko‘rsatish bo‘yicha choralar ko‘rish bilan bir qatorda talafotlarni ham hisoblab chiqmoqda.
Avval 8,2 magnitudali zilzila oqibatida ikki kishi halok bo‘lganligi haqida xabar berilganedi, endi esa qurbonlar soni besh kishiga yetganligi aytilmoqda.
Yer qimirlashi tufayli binolar va yo‘llar kam miqdorda talafot ko‘rgan, elektr energiyasi ta’minotida buzilishlar yuzaga kelgan. Ayrim aholi yashash joylarida talonchilik holatlari kuzatilgan. Maktablarda darslar bekor qilingan